এই পৃষ্ঠাটোৰ বৈধকৰণ হৈছে
২১০
সঙ্গীত-কোষ।
গঢ়ি যি ধৰ্ম্মৰ সেতু প্রজাৰ মঙ্গল হেতু,
সাধিলা সংসাৰ কাৰ্য্য নিজ স্বার্থ পৰিহৰি ।
ভাষা মালা গাঁথিলৈ বােৱাই জ্ঞানৰ নই,
বেদ গীতা ভাগৱত বুজালা সহজ কৰি,
সমাজ শোধিলা নিজে ধৰি দয়া প্রীতি কি যে,
পূজিছে সকলে আজি হােৱা তুষ্ট বাঞ্ছা পুৰি ॥
ৰামেশ্বৰ বৰুৱা, বি, এ।
⸻
৩৭
সাহানা—যৎ।
বীৰ পূজা আৰাধনা থাকে যেন মতি।
আমি অতি মূঢ় মতি, নেজানাে মিনতি নতি,
তােমাৰ কৰুণা বিনে নাই আৰু গতি
তযু দয়া হৃদে ধৰি, তােমাতে ভৰসা কৰি,
যথাসাধ্যে আৰাধিছোঁঁ পূজাৰ আৰতি ।
