এই পৃষ্ঠাটোৰ বৈধকৰণ হৈছে
১১৭
প্রণয়-সঙ্গীত।
৫১
বাগেশ্রী—আড়াঠেকা।
কি কাম জীৱনে আৰু মৰণ মঙ্গল।
প্রণয় অমৃতে যদি জনমে গৰল॥
যদি বিধি মনে মনে,
ভাবিছিলি হব এনে,
তেন্তে কিয় দেখুৱালি ইহেন অমূল্য নিধি;
কিয়বা নিৰখি তাক মানস মজিল॥
সত্যনাথ বৰা, বি, এল।
⸻
৫২
পিলু—খেমটা।
কত সুধিলে কথা লাজে নেমাতিলোঁ।
চিকুণীয়া বদন খনিও চাবলৈ নেপালোঁ।
মনৰ বিষাদে,
মেলনি মাগিলে,
তথাপি লাজতে কথা, কব নােৱাৰিলোঁ॥
সত্যনাথ বৰা, বি, এল।
⸻
