এই পৃষ্ঠাটোৰ বৈধকৰণ হৈছে
১০৬
সঙ্গীত-কোষ।
৩৪
বাগেশ্রী—আড়াঠেকা।
বিধাতা কপালে মােৰ লিখিছে অত যাতনা।
নসহে শৰীৰে আৰু এতেক তাপ যন্ত্রণা॥
মই মৰোঁ যাক ভাবি,
সি কিয় মােক কৰে হেলা
নেমাতে মুখেৰে আৰু কৰে কত প্রবঞ্চনা।
হাতে ধৰি কাতৰ কৰি
মিনতি কৰিলোঁ কত,
তথাপিতো কিছু তাৰ নােপজে মনে কৰুণা॥
সত্যনাথ বৰা, বি, এল।
⸻
৩৫
পৰজ—ঝাঁপতাল।
আহাঁ হে প্রিয়সী আহাঁ এটি মই কথা কওঁ
দেখিলে তােমাক প্রিয়ে, হেঁপাহ চকুৰে চাওঁ।
