এই পৃষ্ঠাটোৰ বৈধকৰণ হৈছে
শ্ৰীকৃষ্ণায় নমঃ।
ষষম্বেদ।
পদ।
জয় নিৰঞ্জন জগতৰ আদি দেৱ।
ব্ৰহ্মা মহেশ্বৰে যাক সদা কৰে সেৱ॥
নমো নমো নিৰাকাৰ অনাদি ঈশ্বৰ।
সমস্ত প্ৰাণীৰ আত্মা তুমি মহেশ্বৰ॥
স্ৰজন পালন তুমি বিনে নাহি কেৱ।
তোমাত শৰণ লৈলোঁ প্ৰভু নাথ দেৱ॥
লীলায়ে কৰিলা তুমি দশ অবতাৰ।
হেনয় কৃষ্ণক কৰোঁ কৌটী নমস্কাৰ॥
নমো ভগৱন্ত ভকতৰ নবনিধি।
হৰিক স্মৰণে আৰম্ভৰ হৌক সিদ্ধি॥
শুনা সভাসদ হৰ গৌৰীৰ সংবাদ।
কোটী জনমৰ হৌক পাতক উচ্ছাদ॥
চাৰিবেদ বাজে ষষম্বেদ বুলি যাক।
সেহি কথা গৌৰী পূৰ্ব্বে পুছিলা হৰক॥
