এই পৃষ্ঠাটোৰ বৈধকৰণ হৈছে
( ১৪৬ )
সেহিবেলা আইলা দুৰ্ব্বাশা ঋষি।
সঙ্গত অযুত শিষ্য ঋষি॥
লক্ষ্মণক দেখি মাতন্ত খঙ্গে।
দেখিয়া লক্ষ্মণে নমিলা ৰঙ্গে॥১০৩৯
বোলন্ত শুনৰে লক্ষ্মণ বাণী।
ৰাম আগে কহ মোৰ কাহিনী॥
শুনিয়া লক্ষ্মণে বোলে বচন।
ইবেলা ৰামক দেখে যি জন॥১০৪৩
সেহি জন বধ্য জানা ৰামৰ।
জানিয়া ক্ষণেক তম্ভা মুনিবৰ॥
শুনি মুনি খঙ্গে দিলা উত্তৰ।
একলে মৰিবি শুন বৰ্ব্বৰ॥ ১০৪১
মোৰ শাপে বংশ হৈবেক নাশ।
জানি শীঘ্ৰে চল ৰামৰ পাশ॥
শুনি লক্ষ্মণৰ গৰ্ব্ব গলিল।
বোলে হৰি হৰি মৃত্যু মিলিল॥১০৪২
মনে গুণি বোলে বংশ ৰহোক।
মোহোৰ গতি যেন লাগে হোক॥
হেনয় বুলি ৰাম পাশ পাইল।
দেখিয়া ৰামৰ চুৰ্তি হৰিল॥১০৪৩
তম্ভা-ৰোৱা, অপেক্ষা কৰা।
