এই পৃষ্ঠাটোৰ বৈধকৰণ হৈছে
(২৪২)
হেন শুনি শত্ৰুঘণে ৰামক প্ৰণামি গৈলা
সমদলে সাজি মথুৰাক।
দুৰ্ঘোৰ সংগ্ৰাম কৰি লৱণ অসুৰ মাৰি
থাপিলন্ত দুই কুমৰক॥১০২৪
বিভাগিয়া ৰাজ্য যত দিয়া দুই কুমৰক
ৰৈলা ৰাম আজ্ঞা বাট চাই।
শুনিয়োক সাধু যত দেখিয়োক সংসাৰত
ৰাম বিনে আন গতি নাই॥
এতেকে অৱজ্ঞা কাকো কৰিবে উচিত নহে
শুনা কৃষ্ণ দাসৰ চৰিত্ৰ।
যশ চন্দ্ৰখাঁ যে ভুঞাঁ আছিল প্ৰখ্যাত বৰ
সদায় ধৰ্ম্মত যাৰ চিত॥১০২৫
তাহান কনিষ্ঠ ভাই সুকবি যে গিৰি নামে
খ্যাতি তান পুত্ৰ যদু হয়।
শঙ্কৰৰ ভাতৃ পৌত্ৰী নামে বিষ্ণুপ্ৰিয়া শান্তী
বিহাইলন্ত যদু শুভনয়॥
তান গৰ্ভে ভৈলোজাত নুহিকোহো আমি খ্যাত
পৰম মুৰখ মুঢ়মতি।
তথাপিতো ইটো কাজ কৰাইলন্ত ৰঘুৰাজ
ক্ষমিয়োক সমাজে সম্প্ৰতি॥১০২৬
