এই পৃষ্ঠাটোৰ বৈধকৰণ হৈছে
(১৮৭)
দেখিয়া সুগ্ৰীৱ ৰহ বুলি।
প্ৰহাৰিলা শাল বৃক্ষ তুলি॥৮০১
সিয়ো ক্ৰোধে শূল প্ৰহাৰিল।
মূৰ্চ্চা গৈয়া সুগ্ৰীব পৰিল॥
তাঙ্ক লৈয়া লঙ্কা লাগি যায়।
সুগ্ৰীৱ চেতন পাছে পাই॥৮০২
নখে দান্তে লৈলা নাক কাণ।
ডেৱে আইলা আপোনাৰ থান॥
সবাৰে আগতে নিষা থৈল।
দেখি হাঁসি উথলিযা গৈল॥৮০৩
কুম্ভকৰ্ণ উলটি পশিল॥
দেখি ৰামে ধনুক ধৰিল॥
পাতাল সদৃশ বেন্ত বাই।
ৰাক্ষসে বান্দৰ খেদি খায।৮০৪
ঘোৰ বাণ ৰামে প্ৰহাৰিয়া।
পেলাইলন্ত চৌৰাঙ্গি কৰিয়া॥
পুনু এক বাণ প্ৰহাৰিলা।
মাথা তাৰ কাটিয়া পেলাইলা॥৮০৫
কুম্ভকৰ্ণ যেখন পৰিল।
সসাগৰা পৃথিবী লৰিল॥
বেন্ত বাই-মুখ মেলি।
চৌৰাঙ্গি-অচেতন প্ৰায়।
