এই পৃষ্ঠাটোৰ বৈধকৰণ হৈছে
( ১২৪ )
ঘোষা॥ ৰাঘৱ প্ৰভু ৰঘুনন্দন।
তোমাৰ চৰণে লৈলোঁ শৰণ॥
পদ।
সুগ্ৰীবক পাছে ৰামে বোলন্ত।
দেখায়ো তযু বৈৰী কৰোঁ অন্ত॥
পাছে সাধিয়োক আমাৰ বাজ।
শুনিয়া বুলিলন্ত কপি ৰাজ॥৫২১
শুনিয়ো প্ৰভু দেৱ ভগৱন্ত।
বালি দদা মোৰ বীৰ দুৰন্ত॥
পূৰ্ব্বত দুন্দুভী নামে অসুৰ।
জগতত যুদ্ধ নপাই দন্দুৰ॥৫২২
দদাৰ পাশে গৈল গৰ্ব্ব কৰি।
তাহাক ধৰিয়া ঘাৰ মোচাৰি॥
বাম পায়ে লাথি মাৰি ক্ষেপিল।
ঋষ্য মুখে আসি পৰি মৰিল॥৫২৩
তাক যেবে তুমি পেলাইবে পাৰা।
তেবেসে জানিম বালিক মাৰা।
শুনিয়া প্ৰভু বৃদ্ধাঙ্গুষ্টে ধৰি।
শতেক যোজন দিলা আছাৰি।৫২৪
তাহাতো সুগ্ৰীব প্ৰমাণ নাই।
দিলা গৈয়া সাত তাল দেখাই॥
