এই পৃষ্ঠাটোৰ বৈধকৰণ হৈছে
( ৫৭ )
যত মহা মহা পাত্ৰ মন্ত্ৰী প্ৰতিনিত।
ভকতি কৰন্ত সদা ৰাম চৰণত॥২৪৮
নিজ গুণে সমস্তকে ৰঞ্জিলন্ত ৰাম।
দানে মানে সতকাৰে পুৰি মনকাম॥
সেহিমতে নাৰীৰো সীতাত অনুৰাগ।
তিলেক নেৰয় সবে জানকীৰ লাগ॥২৪৯
এহিমতে যেবে কতো কাল বহি গৈল।
শুনিয়োক তাত পাছে যেন কথা ভৈল॥
কহে কৃষ্ণ-চৰণে অনন্ত মূঢ়মতি।
বোল ৰাম ৰাম পাপ যাউক অধোগতি।২৫০
⸻
ঘোষা॥প্ৰভুৰাম ৰামভদ্ৰ ৰামভদ্ৰ ৰাম।
ৰঘুনাথ ৰামভদ্ৰ ৰামভদ্ৰ ৰাম।
পদ।
একদিনা ৰাজাক ভৰত শক্ৰঘণ।
প্ৰণাম কৰিয়া পাছে বুলিলা বচন।
তোমাৰ চৰণে পিতৃ যেবে আজ্ঞা পাওঁ।
যুদ্ধাজিত মাতুলক দেখিবাক যাওঁ॥২৫১
