এই পৃষ্ঠাটোৰ বৈধকৰণ হৈছে
৫৮
৺শঙ্কৰদেৱ।
পশু-হিংসা ধৰ্ম্ম বিহিলন্ত জগতত।
সি কাৰণে স্বস্থ নাহি ব্যাসৰ মনত॥২৩৪
বৈকুণ্ঠৰ শাস্ত্ৰ ইটো মহা ভাগৱত।
নাৰায়ণে কহিলন্ত ব্ৰহ্মাৰ আগত॥
ব্ৰহ্মা নাৰদত কৈলা নাৰদে ব্যাসত।
ব্যাসে কৰিলন্ত পাচে মহা ভাগৱত॥ ২৩৫
শুকক পঢ়াইলা ব্যাসে ইটো শাস্ত্ৰসাৰ।
শুকে পৰীক্ষিত আগে কৰিলা প্ৰচাৰ॥
সাধু সঙ্গে কৃষ্ণ ভক্তি কেহো নজানয়।
কাম্য কৰ্ম্ম কৰি ঘোৰ নৰকে পৰয়॥ ২৩৬
পদবন্ধে নিবন্ধিলোঁ শাস্ত্ৰ ভাগৱত।
শ্ৰবন কীৰ্ত্তন কৰি তৰোক জগত॥
মাধৱে পুছিলা পাচে কৰজোড় কৰি।
বৃথা দুঃখ পাৱে কাম্য কৰ্ম্মক আচৰি॥ ২৩৭
কোন কৰ্ম্মে তৰিবেক ঘোৰ সংসাৰক।
ইহাৰ উপায় আবে কহিয়ো সাম্প্ৰত॥
শঙ্কৰে বোলন্ত মাধৱৰ মুখ চাই।
ভকতিৰ সাধন সৎ সঙ্গ বিনে নাই॥ ২৩৮
ভাগৱতি নিৰ্গুণাৰ পৃথক সাধন।
সৎ সঙ্গ ভক্তিৰ কথা দিয়া শুনা মন॥
