এই পৃষ্ঠাটোৰ বৈধকৰণ হৈছে
৪৪
৺শঙ্কৰদেৱ।
আসনত পাচে বসিলা ব্ৰাহ্মণ
বসুৱা ধুয়াইলা ভৰি।
মধুময় অন্ন কৰিলা ভোজন
মনত আনন্দ কৰি॥
ভোজন কৰিয়া বসিলা ব্ৰাহ্মণ
শঙ্কৰ তথা গৈলন্ত।
দেৱগৃহে বসি বচনে আশ্বাসি
ব্ৰাহ্মনেও পুছিলন্ত॥ ১৭৩
কিবা কাৰ্য্যে ঐক আসিলাহা গুৰু
মোত কিবা প্ৰয়োজন।
হেন বাণী শুনি অৱনত হুয়া
বুলিলা বিপ্ৰে বচন॥
আমি তিৰোতীয়া ব্ৰাহ্মণ জানিবা
পঢ়িলোঁহো ভাগৱত।
জগদীশ মিশ্ৰ নাম দিলা গুৰু
আনন্দ কৰি মনত॥ ১৭৪
জগন্নাথ আগে ইটো ভাগৱত
পঢ়িবাক ৰঙ্গে গৈলোঁ।
স্বপ্নে জগন্নাথে দেখা দিলা মোক
নয়ন ভৰি দেখিলোঁ॥
