এই পৃষ্ঠাটোৰ মুদ্ৰণ সংশোধন কৰা হৈছে
১৫৩
১৫৩
৺শঙ্কৰদেৱ।
এহি বুলি উঠি পুথি ৰত্নাৱলী
শঙ্কৰৰ হাতে দিলা।
পুষ্প তামুলক বসন লভিয়া
ব্ৰাহ্মণ ঘৰক গৈলা॥৬০৮
মাধৱক মাতি বুলিলা শঙ্কৰ
পঢ়িয়া পুথি আপুনি।
কোন গ্ৰন্থ ইটো পুথি ৰত্নাৱলী
সাৱধানে থাকোঁ শুনি॥
মাধৱে পঢ়ন্ত শঙ্কৰে শুনন্ত
আতি মহা ৰঙ্গমন।
প্ৰথমৰে পৰা পঢ়িয়া নিলন্ত
আঠ নৱ বিৰচন॥ ৬০৯
মাধৱক মাতি বুলিলা শঙ্কৰ
ভাল গ্ৰন্থ ৰত্নাৱলী।
বিষ্ণু পুৰি মহা যত্ন কৰিলন্ত
বাৰ্হ কাণ্ডে সাৰ তুলি॥
ভকতৰ ইটি পৰম সৰ্বস্ব
অমূল্য ইটি ৰতন।
কিন্তু শিৰ ভাগ নাহিকে গ্ৰন্থৰ
কৃষ্ণৰ এক শৰণ॥ ৬১০
