এই পৃষ্ঠাটোৰ বৈধকৰণ হৈছে
৭৪
শ্ৰীমদ্ভগৱদ্গীতা
ৰাজহংস সদৃশ যে পঙ্কজ ধৱল।
তাৰ মধ্যে আছে ব্যাপি চন্দ্ৰৰ মণ্ডল॥
বৈখৰীক ভেদি যাই চন্দ্ৰ মণ্ডলত।
জল বুদবুদ ফুৰৈ ত্ৰিবেণী তীৰ্থত॥২৭৬
সেহি বুদবুদ চাৰি ভাগ ভৈলা পুন।
ত্ৰিভাগ আশ্ৰয়ে যাই ভৈলা তিনি গুণ॥
যেহি তিনি ভাগৰ যাহাৰ যিবা নাম।
ঋগ্ তমঃ যজুঃ যজঃ সত্ত্ব বেদ সাম॥২৭৭
যজুঃ স্ৰজে সাম পালে ঋগে যে সংহাৰে।
নিবৃত্তিক এৰিয়া প্ৰবৃত্তিৰ পথে ধৰে॥
গুণক আশ্ৰয়ে বেদ ভৈলা গুণময়।
এতে স্বৰ্গ প্ৰলোভিয়া কৰ্ম্মকাণ্ডে কয়॥২৭৮
যিটো বুদ্বুদ্ ব্ৰহ্মৰন্ধ্ৰে বাহিৰায়।
বেদভাগ নিৰ্গুণ ঈশ্বৰ মাত্ৰ কয়॥
যিগোটা নিবৃত্তি পথ ঈশ্বৰৰ মত।
এতে বেদ শিৰোভাগ বোলে জগতত॥২৭৯
বুদ্বুদে্ হোৱে শব্দ ওঠে কণ্ঠে যায়।
শব্দব্ৰহ্ম হোৱৈ বাগীন্দ্ৰীয় লাগ পায়॥
বৰ্ণ ভৈলে ক্ৰমে বেদ অৰ্থ হেৱয় প্ৰচাৰ।
পঢ়ে মাত্ৰ বেদ অৰ্থ নজানয় তাৰ॥২৮০
ঈশ্বৰ মুখৰ বাণী যত বেদচয়।
সিকাৰণে শব্দব্ৰহ্ম জগতে ঘোষয়॥
