এই পৃষ্ঠাটোৰ বৈধকৰণ হৈছে
৭৩
শ্ৰীমদ্ভগৱদ্গীতা
আধাৰ চক্ৰৰপৰা পদ্ম শুদ্ধ আতি।
চাৰিদল কৰ্ণিকা যে কৰে পীত জ্যোতি॥২৭০
অসংখ্যাত নাড়ী আছে দেহৰ ভিতৰ।
তাৰ মধ্যে নৰনাড়ী আছে মুখ্যতৰ॥
নৱৰো মধ্যত তিনি নাড়ী অনুপাম।
ইড়া যে পিঙ্গলা আৰো সুষুম্না যে নাম ॥২৭১
তিনি নাড়ী মূলে বেটি আছয় কমল।
তাৰ কৰ্ণিকাত আছে জলৰ মণ্ডল।
বহ্নিৰ মণ্ডলে আছে উষ্ম নামে বেদী।
ঊৰ্দ্ধে চলি যায় যেন মধ্যচক্ৰ তেদি॥২৭২
পদ্ম এক আছে তাৰ শ্যাম দশদল।
তাৰ কৰ্ণিকাত আছে অলৰ মণ্ডল॥
যেতিক্ষণে উষ্ণজল একত্ৰ হোৱয়।
জল বহ্নি সংযোগত বায়ু উপজয়॥২৭০
বায়ু বহ্নি জল এক ঠাই হোৱে যদি।
উৰ্দ্ধে চলে সিটো পশ্যন্তী চক্ৰ ভেদি॥
পশ্যন্তীৰ মধ্যে আছে সূৰ্য্যৰ মণ্ডল।
ৰক্তবৰ্ণ পদ্ম সিটো দুই ষড়দল ॥২৭৪
তাৰ কৰ্ণিকাক পাইয়া বায়ু বহ্নি জলে।
তিনি মিলি বুদবুদ হৈয়া উৰ্দ্ধে চলে॥
ৰে গোটা বৈখৰী চক্ৰে থাকে কণ্ঠমূলে।
পদ্মগোট প্ৰকাশয় দুই অষ্টদলে ॥২৭৫
