এই পৃষ্ঠাটোৰ বৈধকৰণ হৈছে
চতুৰ্থ অধ্যায়
জ্ঞান-কৰ্ম্ম-সন্ন্যাস যোগ
ছবি
অধৰ্ম্মত থাকি নৰে ফল এৰি নিৰন্তৰে
কৰ্ম্ম কৰে যাৰ যেন ভাৱে।
কৰ্ম্মত উপজে জ্ঞান জ্ঞানে মোক্ষ সাধিবেক
তৃতীয়ত কহিলা মাধৱে॥
কৃষ্ণপদ-কমলত তাত মধু আছে যত
পান কৰৈ ভকত ভ্ৰমৰে।
মধুপানে হুয়া মত্ত এৰিলেক আন যত
মোক যে কটাক্ষ নকৰে॥২৩৯
কৃষ্ণপদে বাৰম্বাৰ কোটি মোৰ নমস্কাৰ
কৃপা নছাৰিবা নাৰায়ণ।
মই পাপ দুষ্টমতি নাজানো ভকতি স্তুতি
পদছত্ৰে লৈলোহো শৰণ॥
কষ্টে বোলে ধনঞ্জয় শুনা পূৰ্ব্বকথাচয়
পূৰ্ব্বত কহিলো আদিত্যত।
আদিত্যে শুনিয়া মত এহি যোগ সাংখ্যতত্ত্ব
বিবৰিয়া কহিলা পুত্ৰত॥২৪০
