পৃষ্ঠা:শ্ৰীমদ্ভগৱত্‌‌‌‌গীতা বা কৃষ্ণগীতা.djvu/২৮৮

এই পৃষ্ঠাটোৰ বৈধকৰণ হৈছে

অষ্টাদশ অধ্যায়

সন্ন্যাস যোগ

পদ

কৌৰৱে বোলন্ত শুনিয়োক দামোদৰ।
মধ্যস্থে থাকিলে তুমি কুৰু-পাণ্ডৱৰ॥
কৃষ্ণে বুলিলন্ত ভাল বোলা কুৰুপতি।
কিন্তু আগ হন্তে মই পাৰ্থৰ সাৰথি॥১২৩১
ৰথী হৈয়া নুযুজিবো বোললা সত্য কৰি।
সত্যে সত্যে নুযুজিবো অস্ত্ৰ শস্ত্ৰ ধৰি॥
হেন শুনি কেশৱক ভীষ্মে বোলে বাক।
অস্ত্ৰ ধৰি যাবা সত্যে যুজাইবো তোমাক॥ ১২৩২
দুয়ো জনে সত্য কৰিল ঘোৰতৰ।
অনন্তৰে দুয়ো দলে মিলিল সমৰ॥
ভীষ্মে মাৰিলন্ত শৰ অৰ্জ্জুনক বুলি।
ৰথ সমে ঘোৰা পৃথিবীত থৈলা শালি॥১২৩৩
এৰাইতে নাপাৰে ঘোৰা পশিল পাতাল।
হেন দেখি ৰথ হন্তে নামিলা গোপাল॥
চক্ৰগোট ধৰি হৰি গুণন্ত মনত।
যদি অস্ত্ৰ ধৰি যুজো সত্য হোৱে হত॥১২৩৪