এই পৃষ্ঠাটোৰ বৈধকৰণ হৈছে
চতুৰ্দ্দশ
গুণত্ৰয় বিভাগ যোগ
পদ
মোৰ হৃদয়ত গুৰু কৃষ্ণক সুমৰো।
চৰণত ধৰি কোটি নমস্কাৰ কৰো॥
গোচৰেক কৰোহো হেৰা দণ্ডৱত কৰো।
কোন বুদ্ধি কৰি ঘোৰ সংসাৰত তৰো॥১০১৩
তোমাক নস্মৰো অৰ্শ সঞ্চয়ক কৰো।
ভাৰ্য্যা পুত্ৰ সঙ্গে কৰো শিস্নোদৰ ভৰো॥
জন্ম মৃত্যু হৈয়া পুনু পুনু দুখ পাই।
নেদেখে উপায় আন তোমাত বিনায়॥১০১৪
মৰো তিনি তাপে পৰি দিয়া পদছাঁয়া।
তোমাক এৰিলো দুষ্ট সংসাৰে মজিয়া॥
এবে নেৰো পাৱ দেৱ নাথ যদুৰায়।
ছাৰি মায়া বন্ধন চৰণে কৰা দায়॥১০১৫
কৃপালু দয়ালু স্বামী তুমি অন্তৰ্য্যামী।
নীচ মন্দমতি কামী অপৰাধী আমি॥
কাৰ প্ৰণিপাত পৰি ত্ৰাহি জগন্নাথ।
তুমি দাতা ভোক্তা যে ৰক্ষক পৰমাৰ্থ॥১০১৬
