পৃষ্ঠা:শ্ৰীমদ্ভগৱত্‌‌‌‌গীতা বা কৃষ্ণগীতা.djvu/২১৭

এই পৃষ্ঠাটোৰ বৈধকৰণ হৈছে

দ্বাদশ অধ্যায়


ভক্তি যোগ

পদ

পুনৰপি অর্জ্জুনে কৰিলা প্রণিপাত।
প্রদক্ষিণ কৰি যুৰিলন্ত যােৰহাত॥
কৃষ্ণক সম্বােধি হেন বলিলা অৰ্জ্জুনে।
আৰাে এক সংশয় মিলিল মােৰ মনে ॥৮৯৭
পূৰ্ব্বত মােহােক হেন কহিলা গােসাই।
জ্ঞান বিনা নিষ্টে জানা কাৰো গতি নাই॥
এবে কহা একাদশ অধ্যাৰ অন্তত।
ভক্তিসে পৰম তত্ত্ব গুহ্য মােৰ মত ॥৮৯৮
জ্ঞানৰ ভক্তিৰ মধ্যে কোনােবা প্রধান।
যদি দায়া আছে মােত কহা ভগৱান॥
কৃষ্ণে বলে সাধু প্রশ্ন কৰিলা অৰ্জ্জুন।
তাহাৰ নির্ণয় কহাে সাৱধানে শুন ॥৮৯৯
আনত নভজি মাত্র মোতে ভজৈ নিত্য।
মােত মন নিবেশিবে দৃঢ় কৰি চিত্ত ॥
পৰম শ্রদ্ধায়ে মােক কৰিলেক সাৰ।
তাত মােৰ প্ৰাণ সিটো ময়ো ভৈলো তাৰ॥ ৯০০