এই পৃষ্ঠাটোৰ বৈধকৰণ হৈছে
১৯৯
শ্ৰীমদ্ভগৱদ্গীতা
তুমি মাত্ৰ সত্য জগত ব্যাপক
এক ব্ৰহ্ম নিৰাকাৰ॥
তোমাৰ চৰণে পশিলো শৰণে
সৰ্ব্বভাৱে নমস্কাৰ।
ভজিবা মাত্ৰকে মোক্ষপদ দিয়া
আত্মা পৰ নাহি যাৰ॥৮৬৪
দেখা কেন নাথ আমাৰ অজ্ঞান
মিছা অহঙ্কাৰে মৰো।
ৰুপ ৰেখা যাৰ নাহিকে আকাৰ
ব্ৰহ্মত সম্বন্ধ কৰো॥
মাতুলৰ পুত্ৰ সম্বন্ধত ভাই
তোমাক বোলো মাধৱ।
কতোবাৰ বোলো সখি কৃষ্ণ কতো
ক্ৰোধত বোলো যাদৱ॥৮৬৫
আমাৰ নৃপতি মোহোৰ সাৰথি
মমতা কৰোহো তাত॥
আসন ভোজন এক সঙ্গে কৰো
শয়ন একে শয্যাত॥
হাস পৰিহাস দুৰ্ব্বাক্যক বোলে
পাশা হাৰিলোহো ভঙ্গ।
অদৃশ্য ব্ৰহ্মক মন অগোচৰ
তান লগে কৰো সঙ্গ॥৮৬৬
১৪
