এই পৃষ্ঠাটোৰ বৈধকৰণ হৈছে
১৯৬
শ্ৰীমদ্ভগৱদ্গীতা
পূৰ্ব্বত বুলিলা ভঙ্গ জয় কৰি
তাহাৰো নজানো তত্ত্ব।
এবে ধনঞ্জয় কাৰ ভঙ্গ জয়
দেখিয়ো তুমি সাক্ষাত॥
ভীষ্ম দ্ৰোণ আদি ৰথী মহাৰথী
আনো যত আছে সেনা।
কুৰু পাণ্ডৱৰ প্ৰাণী নিৰন্তৰ
লৈলোহো তোমাত বিনা॥৮৫৬
ভীষ্ম কৰ্ণ দ্ৰোণ কৃপ দুৰ্য্যোধন
দেৱৰো দুৰ্জ্জয় পুন।
তাহাক অৰ্জ্জুনে সমৰে মাৰিলা
তাত পৰে আছে কোন॥
সমৰে উঠিয়া ৰাজ্যক লভিয়ো
যশক লভিয়ো আত।
যি শত্ৰু প্ৰধান আগে লৈলো প্ৰাণ
নিমিত্ত হুয়োক মাত্ৰ॥৮৫৭
বাম হাতে বাণ কৰাহা সন্ধান
লক্ষ্যক ভেদিলা ছলে।
দুয়ো হাতে শৰ। কৰা নিৰন্তৰ
আতে সব্যসাচী বোলে॥
পাচে ধনঞ্জয় কম্পয় হৃদয়
শুনি ভৈলা ভয় ভীত।
