পৃষ্ঠা:শ্ৰীমদ্ভগৱত্‌‌‌‌গীতা বা কৃষ্ণগীতা.djvu/১৯১

এই পৃষ্ঠাটোৰ বৈধকৰণ হৈছে
১৮১
শ্ৰীমদ্ভগৱদ্‌গীতা

নিষ্ঠাবোধ কৰি অৰ্থ যিখানি ৰহয়।
সেহি বাদখানি মই জানিবা নিশ্চয়॥৭৮৮
পৰাজয় মধ্যে আছো জয় ৰূপ হুই।
ব্যৱসায় মধ্যত উদ্যোগ গোট মই।
সত্যৱন্ত মধ্যে যিটো প্ৰাণী সত্যযুগ।
সত্যখানি মোৰ ৰূপ জানা কুন্তীসুত॥৭৮৯
বৃঞ্চি বংশে বাসুদেৱ মোহোক বোলয়।
পাণ্ডৱত মোৰ অংশ তুমি ধনঞ্জয়॥
তুমি নাজানাহা মই জানোহো সকলে।
এতেকে দুইকো নৰনাৰায়ণ বোলে॥৭৯০
মুনিৰ মধ্যত মই ব্যাস গ্ৰন্থকাৰ।
কবিৰ মধ্যত মই শুক নাম যাৰ॥
বিষয়ক এৰি মন থাকে তেতিক্ষণ।
সেহিগোট মোৰ ৰূপ জানিবা অৰ্জ্জুন॥ ৭৯১
বিষয়ক জিনিবাক মন আছে যাৰ।
শম দণ্ড ভেদ তাৰ ত্ৰিবিধ প্ৰকাৰ॥
ভেদ দণ্ড এৰিয়া যিগোট শম নীতি।
জানিবাহা সখি সিয়ো মোহোৰ বিভূতি॥৭৯২
গোপীৰ মধ্যত গোপ্য ভাৱগোট মই।
যেই গোপ্য ভাৱগোট মোচন নযায়॥
শাস্ত্ৰজ্ঞান আদি কৰি যত আছে জ্ঞান।
তাহাৰ মধ্যত মই যিটো তত্ত্বজ্ঞান॥ ৭৯৩