এই পৃষ্ঠাটোৰ বৈধকৰণ হৈছে
১৭৭
শ্ৰীমদ্ভগৱদ্গীতা
পাৱক নামৰ বহ্নি মই অগ্নিৰ মধ্যত।
মোক মেৰুগিৰি বুলি জানা স্বৰূপত॥৭৬৬
পুৰোহিত মধ্যে মই হওঁ বৃহস্পতি।
দেৱৰক্ষাকাৰী মই স্কন্দ সেনাপতি॥
ঋষি মধ্যত মই ভৃগু মুনিবৰ।
সৰোবৰ মধ্যে মই জানিবা সাগৰ॥৭৬৭
যত বেদ মানে মোৰ মুখে ভৈলা জাত।
যিগোট প্ৰণৱ তাৰ মইসে সাক্ষাত॥
মই যোগৰূপ যত যজ্ঞৰ মধ্যত।
স্থাবৰৰ মধ্যে মই মন্দৰ পৰ্ব্বত॥৭৬৮
সংসাৰ মধ্যত বৃক্ষৰূপে আছে যত।
অশ্বত্থ মোহোৰ ৰূপ তৰুৰ মধ্যত॥
দেৱঋষি মধ্যে মোক জানিবা নাৰদ।
গন্ধৰ্ব্বৰ মধ্যে মোক জানা চিত্ৰৰথ॥৭৬৯
যত সিদ্ধগণ আছে মধ্যত তাহাৰ।
সিদ্ধৰূপে কপিল মোহোৰ অৱতাৰ॥
অমৃত মথতে যিটো ভৈলেক উদ্ভৱ।
মোকেসে জানিবা অশ্বৰূপে উচ্চৈশ্ৰৱ॥৭৭০
হস্তীমধ্যে ঐৰাৱত মোহোৰ বিভূতি।
মনুষ্যৰ মধ্যে মই জানিবা নৃপতি॥
যতেক অস্ত্ৰৰ মধ্যে মই বজ্ৰ পুনু।
গাভীৰ মধ্যত মই জানা কামধেনু॥৭৭১
