এই পৃষ্ঠাটোৰ বৈধকৰণ হৈছে
১৬২
শ্ৰীমদ্ভগৱদ্গীতা
অসংখ্য জন্মৰ শুভাশুভ সংস্কাৰ।
সেহি সংস্কাৰৰ আৰব্ধ নাম তাৰ॥৬৮৫
সম্প্ৰতি দেহৰ পাচে হয় যত জন্ম।
ভাৰ যত সংস্কাৰ শুভাশুভ ধৰ্ম্ম॥
অনাৰব্ধ নাম তাৰ নিষ্টে জানিয়োক।
মধ্যৰ দেহৰ আবে কথা শুনিয়োক॥৬৮৬
আগৰ পাচৰ যত সংস্কাৰ মানে।
সেহিসে সকলে নষ্ট হোৱে ভক্তিজ্ঞানে॥
আগ পাচ এৰি মধ্যে জন্মগোট তাৰ।
সেহি দেহে থাকি হোৱে যতেক সংস্কাৰ॥৬৮৭
তাৰ নাম প্ৰাৰব্ধ জানিবা ধনঞ্জয়।
তাক যে ভুঞ্জিলে ক্ষয় নাহি বুলি কয়॥
কিন্তু এক বোল আছে তাহাৰ ভিতৰ।
মোত দৃঢ় বিশ্বাস হোৱয় যিজনৰ॥৬৮৮
আৰব্ধ প্ৰাৰব্ধ অনাৰন্ধ সংস্কাৰে।
তিনিও প্ৰাৰব্ধ তাক চুইতে নাপাৰে॥
ঈশ্বৰত কৃপা হোৱে দৃঢ় বিশ্বাসত।
কি বস্তু প্ৰাৰব্ধ কৃষ্ণ কৃপাৰ আগত॥৬৮৯
দৃঢ় ভক্তি ভস্ম কৰে যতেক সংস্কাৰ।
প্ৰলয়ে নকৰে যেন আয়ুৰ বিচাৰ॥
কাৰো শতবৰ্ষ কতো আজি উপজয়।
আয়ু নিজিজ্ঞাসি কালে কৰয় প্ৰলয়॥৬৯০
