পৃষ্ঠা:শ্ৰীমদ্ভগৱত্‌‌‌‌গীতা বা কৃষ্ণগীতা.djvu/১৪২

এই পৃষ্ঠাটোৰ বৈধকৰণ হৈছে
১৩২
শ্ৰীমদ্ভগৱদ্‌গীতা

পুনু নমি কহে মিশ্ৰ গোবিন্দ।
মনে নছাৰোক পদাৰবিন্দ॥
যিজনে হৈবাহা সংসাৰ পাৰ।
স্মৰা ৰামনাম মন্ত্ৰৰো সাৰ॥ ৫৬৩
সন্ত সাধু সঙ্গ লোৱা সুখে।
সদা ৰামনাম লোৱা মুখে॥
কৃষ্ণৰ ৰূপক বান্ধিয়া বুকে।
জয় ৰাম কৃষ্ণ বোলা উৎসুকে॥ ৫৬৪

____

পদ

কৃষ্ণে যে বোলন্ত পাৰ্থ শুনা মোৰ বাক।
শুক্ল কৃষ্ণ পক্ষ দিবা নিশা বোলে যাক॥
অভিমানী দেৱ বুলি কহিলো পূৰ্ব্বত।
যাক বুলি অভিমানী শুনা কহো তত্ত্ব॥ ৫৬৫
স্বৰূপত যাক বোলে দুগোলা অয়ন।
গোটেক দক্ষিণ জানা আৰো উত্তৰায়ণ॥
অৰ্থ নুবুজিয়া জানা কৰাহা সংশয়।
এতে নিজ অৰ্থ কহো জানা ধনঞ্জয়॥ ৫৬৬
যদি ভালমতে তাৰ নুবুজিলা অৰ্থ।
অৰ্থ ভাঙ্গি কহো তাক শুনিয়োক পাৰ্থ॥