এই পৃষ্ঠাটোৰ বৈধকৰণ হৈছে
(৩৫)
অক্ৰুৰক পঠাই ঘৰ নগৰ পশিবো গৈয়া;
লৈয়া সঙ্গে গোপ শিশু ঝাক।
মথুৰাৰ নাৰীগণে পৰম আনন্দ মনে;
ঝুমা ঝুমে চাহিবে আমাক॥
কৰিয়া সবকো দয়া কটাক্ষ নয়নে চায়;
তাসম্বাৰ মনোৰথ পুৰি।
ধৰি ৰূপ বিপৰীত ৰঞ্জিয়া সবাৰ চিত্ত
নগৰ চাহিবো পাচে ফুৰি॥
পদুলি পদুলি মোক দ্বিজগণে পায়া লাগ;
অচিবন্ত পৰম সাদৰে।
বৌৱা দিব্য বস্ত্ৰ লই কংশত জনাইবে গৈ;
তাক লাগ পাইবো অনন্তৰে॥
নপায়া কাপোৰ খুজি কোপে অহঙ্কাৰ বুজি;
চয়ৰে চিন্তিবো মুণ্ড তাৰ।
হৈয়া অতি মহাভয় তাৰ নগৰিয়া চয়;
পলাইবে বস্ত্ৰৰ পেলাই ভাৰ॥
ভাল ভাল বস্ত্ৰ বাচি লৈয়া গোপগণে কাছি;
ৰাজপন্টে ফুৰিবো আনন্দে।
পাচে মোক বেশকাৰ পায়া মোক নমস্কাৰ;
কৰি বস্ত্ৰ পিন্ধাইবো আনন্দে॥
তুষ্ট অতি হৈয়া তাক বুলিয়া মধুৰ বাক;
সাৰোপ্য মুকুতি দিবো ৰঙ্গে।
