এই পৃষ্ঠাটোৰ বৈধকৰণ হৈছে
৭
শিশু লীলা।
কদাচিতো মই নখাওঁ মাটি।
দদা বলভদ্ৰে মাতন্ত ঘাটি॥
পতিয়ান নাই চোৱা বিচাৰি।
হেন শুনি মাতে যশোদা নাৰী॥
বায়ো বেন্ত যেবে মাটি নখাইলি।
শুনিয়া শিশুৰূপী বনমালী॥
চোৱা মুখ বুলি মাৱক মাতি।
বাইলন্ত বেন্ত প্ৰকাশিয়া আতি॥
যশোদা সুন্দৰী দেখন্ত পাছে।
সমস্ত জগত গৰ্ভতে আছে॥
সাতো খান দ্বীপ সাতো সাগৰ।
গিৰি বন নদী গ্ৰাম নগৰ॥
বায়ু সূৰ্য্য শশী দিশ আকাশ।
তাৰাগণ তৈতে কৰে প্ৰকাশ॥
সমস্তে জীৱ জ্যোতিস্তেজ জল।
সত্ত্ব ৰজস্তম ইন্দ্ৰিয় বল॥
মন বুদ্ধি কাল কৰ্ম্ম যতেক।
সবাকো গৰ্ভতে দেখে প্ৰত্যেক॥
যতেক ধেনু গোপ গোপী ঝাক।
যশোদা দেখে তৈতে আপোনাক॥
