এই পৃষ্ঠাটোৰ বৈধকৰণ হৈছে
১৯
শিশু লীলা।
পৰ্ব্বত সমান কলেৱৰ।
বাইলে বেন্ত সম্যকে গহ্বৰ॥
তল ওঁঠ মাটিত পাতিল।
ঊৰ্দ্ধ ওঁঠ মেঘত লাগিল॥
জিহ্বা খান যেন ৰাজ আলী।
বৎস লৈয়া আইলা বনমালী॥
গোৰক্ষ দামুৰি নিৰন্তৰ।
নজানিয়া পশিল ভিতৰ॥
দেখি তুমি ভক্তৰ স্নেহত।
পশিলাহা অঘৰ গৰ্ভত॥
দেখি আঁটি ধৰিল দশন।
তুলিলেক হাসি দৈত্যগণ॥
দেৱগণে কৰে হাহাকাৰ।
গল চুঙ্গি ভেণ্টি কৈল তাৰ॥
পেট ফিঙ্কি বায়ু দিলে টান।
মূৰ্দ্ধ স্ফুটি বাজ ভৈল প্ৰাণ॥
তযু পৰশনে কৰ্ম্ম ক্ষীণ।
অসুৰ কৃষ্ণতে গৈল লীন॥
দেখি নিশবদ দৈত্য কুল।
হৰিষে বৰিষে দেৱে ফুল॥
