এই পৃষ্ঠাটোৰ বৈধকৰণ হৈছে
১৩
শিশু লীলা।
নাহি আদি অন্ত পূৰ্ব্বাপৰ।
পূৰ্ণব্ৰহ্ম জগত ঈশ্বৰ॥
তাহাঙ্ক তনয় মানি বলে।
যশোদা বান্ধন্ত উড়ুখলে॥
বান্ধন্ত কৃষ্ণক আনি ধৰি।
নোযোড়ে অঙ্গুল দুই জৰি॥
আৰু জৰি আনি যোড়া দিল
সিয়ো দুই অঙ্গুলে নাটিল॥
হেন দেখি আৰো জৰি আনি
যশোদা বান্ধন্ত টানি টানি॥
শৰীৰৰ বল দিয়া আঁটে।
তথাপি আঙ্গুল দুই নাটে।
গৃহত পাইলেক যত জৰি।
এহি মতে ঘুড়িয়া সুন্দৰী।
উড়ুখলে এৰে বান্ধে চাপি।
নাটে দুই আঙ্গুল তথাপি॥
হেন দেখি হাসে গোপীগণে।
যশোদা বিস্ময় ভৈল মনে।
শৰীৰৰ ঘৰ্ম্ম যায় বহি।
হাসিয়া থাকিল শ্ৰমে ৰহি॥
