এই পৃষ্ঠাটোৰ বৈধকৰণ হৈছে
(৮৩)
দুই গোটা বঙালে সত্তৰে খেদি আইলা৷
হেন দেখি সন্তে মহা আলোচ কৰিলা॥
মাৱে পোৱে ভাৰ্য্যা সমে প্ৰাণী তিনিজন।
গাৱত আছয় আৰু সাধু ভক্তগণ॥৪০১
বঙালৰ নাম শুনি সমষ্ট ভাঙিলা।
মহন্তৰ তিনি প্ৰাণী সত্ৰ মধ্যে ৰৈলা॥
মাকে বোলে বাপু আমি কেমনে পলাবো।
পুতেকে বোলয় আই গোপালে ৰাখিবো॥ ৪০২
নকৰিবা শঙ্কা হৰি আছয় সবাত।
পশু যে পতঙ্গ আৰু তোমাত আমাত॥
হৰিসে কেৱল ৰক্ষা সমষ্ট জীৱৰ।
এহি বুলি তিনি প্ৰাণী আছে অভ্যন্তৰ॥৪০৩
কতো বেলি তৈৰ হন্তে ওলাই আসিলা।
হৰিৰ গৃহত গই নাম লৈবে লৈলা॥
শুনা সৰ্ব্বজন পাছ কথা যেন মত।
পশিলা যবন আসি সেহি যে গৃহত॥৪৩৪
দেখে নাম ধৰি আছে হৰি গুণ গাই।
দেখিয়া যবনে ৰঙ্গ কৰি খেদি যাই॥
কেমনে টেণ্টন ইটো দেখিবো ব্ৰাহ্মণ৷
আমাক দেখিয়া বাবাই ধৰে নাম গুণ॥ ৪০৫
অসমৰ লগে আগে যুদ্ধক আসিলা।
এতয়া আমাক দেখি বৰ ভক্ত ভৈলা॥
