এই পৃষ্ঠাটোৰ বৈধকৰণ হৈছে
(৬৭)
হেন শুনি বিপ্ৰ কথা কহিলা সমস্ত।
বাপেকৰ পৰা কথা কহিয়া নিলন্ত॥৩১৩
যেন মতে বোধ দিয়া গঙ্গা স্নানে গৈলা।
ঐতে বৰ মাতৃ যিটো আলোচ কৰিলা॥
বুঢ়ীহঁতে বিবাদৰে বনত পেলাই।
তাত পাছে তুলিলেক শৃগালিনী পাই॥৩১৪
যেন মতে সৰ্প গোটে ৰখিয়া আছিলা।
বাপেকে খাণ্ডিয়া যেনে গৃহক আনিলা॥
ছয় মাস বৰিষত দুয়োজন গৈলা।
এহি মতে সন্তে কথা ৰজাত কহিলা॥ ৩১৫
হেন শুনি মহা ৰজা হাসিলা বিস্তৰ।
মনে গুনি বোলে ইটো অদভুত বৰ॥
শুনি প্ৰজা গণে বোলে অদভূত বৰ।
নুহিকা মনুষ্য ইটো সাক্ষাত ঈশ্বৰ॥৩১৬
এহিবুলি প্ৰজাগণে কোৱা কুই কৰে।
তাত পাছে এক কথা সোধে নৰেশ্বৰে॥
শুনিয়োক বিপ্ৰবৰ মোহোৰ বচন।
শৃগালীয়ে দয়া কৰি কৰিলা ৰক্ষণ॥ ৩১৭
সৰ্পেও নাখাইলা অতি অদভুত বাক।
এক পৰিমাণ আত দেখাও আমাক॥
বিপ্ৰ যে বদতি শুনিয়োক নৰেশ্বৰ।
পৰীক্ষা দেখাইতে নৰো জানা নৰবৰ॥৩৯৮
