এই পৃষ্ঠাটোৰ বৈধকৰণ হৈছে
(৪৬)
এহি গোট গৃহ বেঢ়ি ভিতৰত থৈবো।
বাজত অনেক পালী পহৰীয়া থৈবো।২০৯
ইদৰে ৰাখিলে গৃহে কিছু শঙ্কা নাই।
নাখাই তুলিলা গৰ্ত্তে শৃগালীয়ে পাই॥
মোক দেখি ওলাই আসি সেৱাক কৰিলা।
ওচৰক আসি পুনু উলটিয়া গৈলা॥২১০
বোলে তোৰ পুত্ৰ আছে মোহোৰ গৰ্ত্তত।
এহি বুলি বাৰ্ত্তা কহি গৈলা স্বৰূপত॥
বাৰ্ত্তা নকহিলে কিয় ওচৰে আসিব।
ওচৰত সেৱা কৰি গৰ্ত্তত পসিব॥২১১
এতেকে শৃগালী শিশু বনক নেনয়।
ইহাক সংশয় কৰিবাক নলাগয়॥
সি কথা থাকোক এটি কথা কহো মই।
শৃগালীক লাগি তুমি ভাত ৰন্ধা গই॥২১২
হেন শুনি চাণ্ড ভাত ৰান্ধিবাক গৈলা।
শৃগালীৰ গৃহ বিপ্ৰে বেৰিবকে দিলা॥
গৃহ বেঢ়ি শৃগালীক ভিতৰক নিলা।
তাত পাছে চাণ্ড তৰা ভাত আনি দিলা॥২১৩
সৰ্পক দিলেক আনি বেং মৎস্য ধৰি।
শৃগালীক ভাত চাণ্ডে দিয়ে আগ কৰি॥
চাৰিফালে চাহি লোক আছে অগণন।
হেনদেখি শৃগালীয়ে নাখাইলেক অন্ন॥ ২১৪
