এই পৃষ্ঠাটোৰ বৈধকৰণ হৈছে
(১৮)
চাণ্ডতবা সতী যেবে গৰ্ভৱতী ভৈলা।
তাহান গৰ্ভত এক সাধু বাসা লৈলা॥ ৮২।
মহা তেজী বলী সিটো ভকত কৃষ্ণৰ।
যাৰ যশ কীৰ্ত্তি ৰৈলা যুগ যুগান্তৰ॥
শুনা সৰ্ব্বজন পাছে যেন কথা ভৈলা।
মাঘ মাসা যেবে শুভ দিন আসি পাইলা॥
দিন অবসানে পাছে ৰাত্ৰি আসি ভৈলা।
চাৱালৰ জন্ম ক্ষণ আসিয়া মিলিলা॥
চাণ্ডতাৰা বোলে বাই শুনিওঁ বচন।
আজি দেখোঁ গাৱ খানিৰ নাপাওঁ উমন॥৮৪॥
সজাগে থাকিবা আনা নাৰী ভাল চাই।
লৰিলেক গাৱ মোৰ শুনিয়োক বাই॥
নাহি পৰা কোনো দিন হেনয় পালাত।
ভয় লাগি আছে বাই কহিলো তোমাত॥৮৫৷
হেন শুনি কুণ্ডতৰা সুৱতী বিপ্ৰৰ।
আপোনাৰ মনে মনে গুনিলা বিস্তৰ॥
যদি পুত্ৰ হৱে তেবে অকাৰ্য্য মিলিবো।
পুত্ৰৱতী ভৈলে তাইক দেখিবে পাৰিবো॥৮৬৷
পুত্ৰ হৈলে ফল ধৰে নাৰী সকলৰ।
এতেকে সুৱতী হৈব তাইযে বিপ্ৰৰ॥
এহি বুলি মনে সাৰ কৰিলন্ত গুনি।
আনিলেক বৃদ্ধা চাই নাৰী পাঁচজনী॥৮৭৷
