এই পৃষ্ঠাটোৰ বৈধকৰণ হৈছে
( ৯ )
ফুলিলে কপাহ হ’ল পাহে পাহ ২
তাৰে পাহিদেক পালোঁ৷
ধুনিলো যতনে শুকাবৰ মনে ২
টিকলা ৰ’দতে দিলোঁ॥
বাউলী বতাহে আহি পাহে পাহে ২
কৰি নিলে উৰুৱাই।
তাৰে কেবাপাহি যেনে তেনে কাহি ২
আনি থলোঁ সুমোৱাই॥
অ’ ৰাম হৰি।
⸻
ঘোষা।—শিপিনীৰে পোকৰতে টোপা খহু হ’ল,
ইবেলি শিপিনী বাইৰ কাপোৰ বোৱা গল।
পদ।—অধৰমী নিগনিয়ে তাকো থ’লে খায়।
ৰিহা লোৱা আশা ফেৰি সমুলিয়ে নাই॥
যিবা হক সিবা হক আহিলোঁ সোহাই।
কপাহ বিচাৰোঁ বুলি ইফালে পোনাই॥
কিলিংষা লাগিলে মোৰ আহোতে ওলাই।
কটাৰ পু অভজা বন্দি দিলে বদিয়াই॥
সুধিলো পোনেই আহি মুখৰ ঘৰতে।
মোকেহে যোৰালে বন্দি কণা গিৰীহঁতে॥
লাজে কাষে মুচকছ আহিলোঁ ওলায়।
দোচুৰা এঘৰ পালো সুধিলো দুনাই॥
