এই পৃষ্ঠাটোৰ বৈধকৰণ হৈছে
ৰাতি
গধূলি গুচি আহিবা — তোমাৰ বাবে ৰৈ আছে
জাৰণিৰ ইপাৰে-এজাক নূপুৰ বজোৱা চৰাই
গাঁওখনিৰ সিটো পাৰে— তুমি গা-ধোৱা পুখুৰীটোত
জোন এটা বান্ধি থৈ আহিছো
শাকনিৰ পৰা তুলি থৈ আহিছো
লাই হালে-জালে’ চিকুণ পোনাটিৰ নিচুকণি সপোন এটি।
তুমি গুচি আহিবা— গোটেই ৰাতি আমি জাল মাৰিম
চিটিকা পাতিম
জেওৰাণিৰে আমি পুৰি খাম ডেকা চাঙৰ শুকান মঙহ।
ময়ো গুচি যাম তোমাৰ পাছে-পাছে
নৈ খন পাৰ হোৱাৰ ভঙ্গীৰে সাগৰত নামিম
ফুল ছিঙিম— পাত সৰাম, গছৰ পৰা জিৰ্-জিৰ্ কৈ টুকি আনিম
চেঁচা এন্ধাৰ।
ৰচনাকাল : ১৯৯৭
শস্য তেজৰ অন্য ঋতু/৩