এই পৃষ্ঠাটোৰ বৈধকৰণ হৈছে
ওঁ
শনি চৰিত
পদ
অচিন্ত্য শকতি, নিত্য-সিদ্ধ নিৰঞ্জন।
পঙ্কজ শোভিত যাৰ যুগল চৰণ॥
ত্ৰিকালজ্ঞ যোগবেত্তা সৰ্ব্বজ্ঞান ময়।
যাহাৰ প্ৰসাদে হয় সৃষ্টি-স্থিতি-লয়॥
গুণভেদে তিনিমূৰ্ত্তি কৰিয়া ধাৰণ।
সৃজন পালন আৰু কৰে সংহাৰণ॥
বেদান্তৰো অগোচৰ যাহাৰ মহিমা।
ব্ৰহ্মা আদি দেৱে যাৰ নপাৱন্ত সীমা॥
ভকত-বৎসল যিটো শশাঙ্ক শেখৰ।
আশুতোষ দিগম্বৰ দেব দেব হব॥
আত্মাৰূপে হৃদয়ত থাকিয়া সবাৰ।
চৰাচৰ ব্যাপ্ত যিটো প্ৰখ্যাত ওঁঙ্কাৰ॥
তাহাৰ চৰণ-ধূলা মাথাত ধৰিয়া।
প্ৰণামোঁ ভকতিভৰে গলে বস্ত্ৰ দিয়া॥
ত্ৰিলোক জননী দুৰ্গা ব্ৰহ্ম-সনাতনী।
মঙ্গল কাৰিণী ভক্তি-মুক্তি-প্ৰদায়িনী॥
