এই পৃষ্ঠাটোৰ বৈধকৰণ হৈছে
৯
শনি চৰিত
বসি আছে নৰপতি নিজ সিংহাসনে ।
হেনকালে সভা মাজে পশে দুয়োজনে ॥
চমকি গৈলন্ত সভা দিব্য জ্যোতি পাই ৷
উঠিলা আসন হন্তে পাছে নবৰায় ॥
প্রণাম কৰিলা দুইকো কৃতাঞ্জলি কৰি ।
কৰিলা অনেক স্তুতি দণ্ডৱতে পৰি ॥
ৰাজাৰ স্তুতিত তুষ্ট হৈয়া দুয়োজন ।
কৰিলন্ত অনন্তৰে আসন গ্রহণ ॥
দক্ষিণ ভাগত স্বর্ণ সিংহাসনোপৰি ।
হৃষ্টচিত্তে বসিলন্ত জলধি কুমাৰী ৷৷
বাম ভাগে দিব্য বৌপ্য সিংহাসন লৈয়া ।
বসিলা ভাস্কৰ সুভ তুষ্ট মনে গৈয়া ॥
মধ্যভাগে সুশোভিত শ্রীবৎস ৰাজন ।
সুহৃদ আলাপ নানা কৰে তিনজন ॥
হেনকালে লক্ষ্মী আৰু শনি মহাশয় ৷
ৰাজাক সম্বোধি কথা ধীৰে ধীৰে কয় ॥
বিচাৰ সিদ্ধান্ত আৰে দিয়া নৰবৰ ।
কোনজন শ্রেষ্ঠতৰ আমি দুজনৰ ॥
হেন শুনি হাসি পাছে বোলে নৰবৰ ।
স্বৰূপ শুনিও দুয়ো আমাৰ উত্তৰ ॥
দক্ষিণ ভাগত স্থান প্রধান জনৰ ।
বাম ভাগে অপ্রধান বোলে নিৰন্তৰ ॥
