এই পৃষ্ঠাটোৰ বৈধকৰণ হৈছে
৬৭৪
লীলা ৷
পিচ কৰি মোক সঁপিলা জীৱন,
স্বাৰ্থৰ জোলোঙা ত্যাগি।
বহু দূৰ তুমি, আগুৱালাঁ এৰি,
পকালাঁ ব্ৰতৰ ফল;
‘লৰাশিক্ষা’ তিনি,—আদি, মাজ, শেহ,
আৰ্জিলাঁ পাথেয় বল।
সুমৰি উদ্দেশ্য, লৰি গই মাথোঁ
ধৰিলোঁ তোমাৰ সঙ্গ;
যুটীয়া সেৱাৰ ‘সাহিত্য-সংগ্ৰেহে’
জাতীয় অভাৱ ভঙ্গ।
তাৰো পাচে পুনু লৰিলোঁ সমানে,
সমান ব্ৰতৰ ভাৰী;
মিঠা ফল তাৰ এটি-দুটিকই
মলিয়ালে দুই-চাৰি।
আৰু কত আশা ধৰি আগলই
দুথুনী অসম ধন!
কিয় অকালত সামৰিলাঁ লীলা
দিলাঁ শোক অকথন!!
