এই পৃষ্ঠাটোৰ বৈধকৰণ হৈছে
৭
লীলামালা।
নাহি ভয় বুলি অগ্নিক পিলা।
ব্ৰজক গৈলা গজেন্দ্ৰৰ লীলা॥ ২ ॥
হৰি কৰি ক্ৰীড়া গোপ সভাতে।
মৰাইলা প্ৰলম্ব বলোৰ হাতে ॥
মুঞ্জবনে গৰু গোপ পোড়ন্তে।
আনিলা তাৰি কৃষ্ণে তৈৰ হন্তে॥ ৩ ॥
বসন্ত সমে গ্ৰীষ্ম-কাল গৈল।
বৰিষা আসি উপস্থিত ভৈল ॥
বলো সমে সবে গোপক লৈ।
ক্ৰীড়িলা কৃষ্ণে বৃন্দাবনে গৈ ॥ ৪ ॥
আসিল শৰত হৰিষ কৰি।
বৃন্দাবনে বেণু বজাইলা হৰি॥
গোপ সুন্দৰীৰ বস্ত্ৰক লৈ।
চড়িলা গোবিন্দ কদন্বে গৈ॥ ৫ ॥
পাইলেক বৰ যত গোপ বালা।
গোবিন্দ গৈল যৈত যজ্ঞ-শালা॥
গোৱাল সকলে খুজিল অন্ন।
নেদিলে অহঙ্কাৰী বিপ্ৰগণ ॥ ৬ ॥
পত্নীৰ ভকতি দেখায়া সৰ্ব্ব।
ভাঙ্গিলা তাসম্বাৰ কৰ্ম্ম গৰ্ব্ব॥
ভাঙ্গিলা কৃষ্ণে মখ মহেন্দ্ৰৰ।
পৃজিলা গোবৰ্দ্ধন গিৰিবৰ॥ ৭ ॥
