এই পৃষ্ঠাটোৰ বৈধকৰণ হৈছে
৬
লীলামালা।
তাত পাছে ব্ৰহ্মা আসি কৰিলন্ত চুৰি।
মায়া কৰি নিল সবে গোৰক্ষ দামুৰি॥
হুয়া গৰু গোৰক্ষ আপুনি পৰত্যেক।
সৰ্ব্ব ৰূপে ব্ৰজত বঞ্চিল বৰিষেক॥ ১৪ ॥
অনন্তৰে ব্ৰহ্মা আসি ভৈলা বিমোহিত।
সবে দিব্য চতুৰ্ভুজ ৰূপে বিপৰীত॥
হৰিল চেতন একো নাহি ঋদ্ধি সিদ্ধি।
পাছে পাৱে পড়ি স্তুতি কৰিলন্ত বিধি॥ ১৫ ॥
গৈলা তালবনে সবে গোৱাল সহিতে।
সবান্ধবে ধেনুকক বধিলা তহিতে॥
গোপগণে তালক ভুঞ্জিলা কণ্ঠ ভৰি।
শঙ্কৰে ৰচিলা ডাকি বেলা হৰি হৰি॥ ১৬ ॥
————
ঘোষা।
ত্ৰাহি গোবিন্দ,
অন্তকে গ্ৰাসে নাশে নাথ নিন্দ,
ত্ৰাহি গোবিন্দ॥
পদ।
বিষময় হ্ৰদ তাক নজানি॥
মৰিল গৰু গোপ পিয়া পানী॥
কটাক্ষে জীয়ায়া দমিলা কালী।
হ্ৰদৰ খেদাইলা তাক নিকালি॥ ১॥
ব্ৰজৰ প্ৰজা বনজুইত মৰে।
ত্ৰাহি কৃষ্ণ বুলি আৰাৱ কৰে॥
