এই পৃষ্ঠাটোৰ মুদ্ৰণ সংশোধনত এটা সমস্যা হৈছে
১৮
লীলামালা।
ঘোষা।
পিয়ো পিয়ো ৰাম নাম অমৃত।
বৃথা কথা কই নমৰ চিত্ত।
পদ।
যুধিষ্ঠিৰ ৰাজা কৃষ্ণক পাই।
অৰ্চ্চিলন্ত অতি দুনাই দুনাই॥
ৰাজাক কৃষ্ণে নমি প্ৰণিপাতে।
মৰাইলা মাগধ ভীমৰ হাতে॥ ১॥
মেলায়া ভকত নৃপতিচয়।
দেখাইলা নিজ ৰূপ কৃপাময়॥
প্ৰসন্ন-মুখ পঙ্কজৰ জ্যোতি।
কৌস্তুভ কণ্ঠে গলে গজমতি॥ ২॥
মকৰ কুণ্ডলে উজ্জ্বল গণ্ড।
প্ৰকাশে চাৰু চাৰি ভুজ দণ্ড॥
কিৰিটীৰত্ন শিৰে কৰে কান্তি।
উৰঃস্থলে জ্বলে এ বৎস পন্তি॥ ৩॥
শ্যাম তনু তাতে পীতবসনে।
বিজুলি ৰঞ্জে যেন নবঘনে॥
কটিতটে জ্বলে ৰত্নৰ জ্বালা।
আপাদলম্বী গলে বনমালা॥ ৪॥
চৰণপঙ্কজে মঞ্জীৰ ঘোষ।
মিলাৱে ভৃত্যৰ মনে সন্তোষ॥
সম্মুখে দেখে হেন হৃষীকেশ।
সমস্তে এড়াইলা বস্ত্ৰ ক্লেশ॥ ৫॥
