এই পৃষ্ঠাটোৰ বৈধকৰণ হৈছে
১৬
লীলামালা।
বহুবিধ কৰি লীলা জগতৰ নাহে।
ৰুক্মিক মৰাইলা অনিৰুদ্ধৰ বিবাহে॥ ৪॥
উষাক ক্ৰীড়িলা কৃষ্ণ নাতি অনিৰুদ্ধ।
বাণক ৰাখিবে লাগি ৰুদ্ৰে দিলা যুদ্ধ॥
লীলায়ে ভঙ্গাইলা শঙ্কৰক ঘোৰ ৰণে।
চক্ৰে বাণবাহুক ছেদিলা নাৰায়ণে॥৫॥
যুদ্ধত নোৱাৰি স্তুতি কৰিলন্ত হৰে।
নৃগ নৃপতিক উদ্ধাৰিলা তাতপৰে॥
ক্ৰীড়িলন্ত বলভদ্ৰে গোকুলক যাই।
যমুনাকো আঝুৰিলা লাঙ্গল ভেজাই॥৬॥
চক্ৰে ধৰি খেদি গৈল বাৰাণসী থান।
সুদক্ষিণ পৌণ্ড্ৰকৰ কৃষ্ণে লৈলা প্ৰাণ।
বৈৰত গিৰিত ক্ৰীড়া কৰি হলধৰ।
সমৰে মাৰিল দুষ্ট দ্বিবিদ বানৰ॥ ৭ ॥
ধৰিলা সাম্বক কুৰু বীৰগণে চাপি।
খুজিলেক ৰামে গৈয়া নেদিল তথাপি॥
হস্তীনাপুৰক কোপে উভতাওঁ বুলি।
লাঙ্গল ভেজায়া বলো ধৰিলন্ত তুলি॥ ৮॥
কৃষ্ণৰ গৃহস্থ ধৰ্ম্ম দেখি ঘৰে ঘৰ।
পৰম বিস্ময় মন ভৈল নাৰদৰ॥
কেবলে ঈশ্বৰ মাত্ৰ দেখি পাছে ঋষি।
কৃষ্ণ গুণ গায়া চলি গৈলন্ত হৰিষি॥ ৯॥
