এই পৃষ্ঠাটোৰ বৈধকৰণ হৈছে
মূলা গাভৰু।
নাজানো,--কিয় যে, সখি দেখোঁ অহৰহ
অমঙ্গল নানাবিধ, হায়! যি কালত
সৌমিত্ৰীৰ যুদ্ধ হয় মেঘনাদে স’তে
নিকুম্ভিলা- যজ্ঞঘৰে লঙ্কা নগৰত,
কালনেমি দৈত্য-কন্যা ৰক্ষকুল-লক্ষ্মী
দেখিছিলে প্ৰমিলাই যেনে অমঙ্গল
অন্তঃপুৰ মাজে থাকি কনক লঙ্কাৰ
অকস্মাতে,—আজি, হায়! মূলায়ো তোমাৰ
দেখে তেনে অমঙ্গল অকস্মাতে, সখি!
কিম্ব৷, নতু, যেনেকই বিৰাট কুমাৰী
সৰলা কোমল প্ৰাণা আজলী ছোৱালী
নাজানে একোকে, কিন্তু পৰাণৰ স্বামী
অভিমন্যু গই যৱে কুৰু-সমৰত
সেনাপতি ৰূপে সাজি, সপ্তৰথী স’তে
কৰিছিলে ঘোৰ যুদ্ধ,——যিৰূপে তেতিয়া
কান্দিছিলে উত্তৰাৰ অকস্মাতে প্ৰাণ
কি-এক আশঙ্ক৷ কৰি, সিৰূপে,—হে সখি!—
মূলাৰো পৰাণ কান্দে অকস্মাতে আজি।
২২
