এই পৃষ্ঠাটোৰ বৈধকৰণ হৈছে
মূলা গাভৰু।
( পাঠান পক্ষৰ এটি হিন্দুজাতি যোদ্ধা )
ঠিক কথা,—নাই কাজ আৰু সমৰত
আহোম সেনাৰে স’তে; – কি লাভ বিনাশি
আপোনাৰ সৈন্য-সেনা, জ্ঞাতি পৰিজন?
যোদ্ধা সঁচা,—নাইনে কি যোদ্ধাৰো প্ৰাণত
মমতা? যোদ্ধাৰো নেকি নাকান্দে পৰাণ
জ্ঞাতিৰ বিনাশ দেখি? চকুৰ পানীয়ে
আত্মীয়ৰ, যোদ্ধাৰুৰ নপমায় মন?
হ’ল আজি বহুদিন, আহিছোঁ সকলে৷
এৰি থই পুত্ৰকন্যা,—আপোনাৰ জন,—
নাজানো, কিৰূপে সৱে আছে বাট চাই
উৎকণ্ঠিত হই কত,–নাজানো, কতই
হিয়া ঢাকুৰিছে আজি মৃত্যু-বাৰ্ত্তা পাই
৭০
