এই পৃষ্ঠাটোৰ বৈধকৰণ হৈছে
চতুৰ্থ সৰ্গ।
চাঙৰ মৰণ শুনি অন্যায় যুদ্ধত
বিষণ্ণ বদন সৱে আহোমৰ সেনা
আহোম-কোঠত, যেনে কুৰু সমৰত
অভিমন্যু-হত-বাৰ্ত্তা শুনি বীৰসৱে
পাণ্ডৱৰ শিবিৰত নিৰানন্দ মনে।
এনেতে আহিল মূলা গাভৰু,মুহিলা,
আহোমৰমণী সৱে স’তে ৰণ-সাজে,
হাতে লই শেল শূল জাঠি তৰোৱাল,—
কৰি ভীম জয়নাদ,—সোমালেহি কোঠ
সান্ধিয়া বেলিকা আহি। হ’ল আচৰিত
যত আহোমৰ সেনা, দেখি ৰণ-সাজ
ৰমণী সবৰ আজি মূলাৰে সহিতে॥
৪৮
