এই পৃষ্ঠাটোৰ বৈধকৰণ হৈছে
মেঘ দুতম্ ।
তোমাৰ সংসৰ্গে তাত হলে বিকসিত
কদম্ব কুসুম, হ'ব গিৰি ৰোমাঞ্চিত।
কন্দৰে উদ্যাৰি দিলে ৰতি পৰিমল
বাৰ বনিতাৰ, পুৰবাসী সকলৰ
প্ৰদানিব পৰিচয় উদ্দাম-যৌবন।২৬।
বিশ্ৰামি গিৰিত, বননদীতীৰজাত
ফুলনীসবৰ যুথিকাকুসুম সবে
নবজলকণা বালি, পাতলাই দেহা;
ছায়া দানি ৰমনীকে — কুসুমা হৰিণী,
মোহাৰোতে ঘাম (যাৰ বয় কপোলত),
ম্লান হয় কৰ্ণোৎপল,— অলপ সময়
পৰিচয় সুখলাভ কৰি তাহাঁতেৰে,
গমন কৰিবা তুমি, বাৰ্ত্তাবহ মেঘ।২৭।
যাওঁতে উত্তৰ দিশি, যদিওবা হ’ব
বেকা উজ্জয়িনী-পথ, অবস্থিতি কৰি
তথাপিতো উজ্জয়িনী-সৌধৰ ওপৰে,
বিমুখ নহবা তাৰে চিনাকী হোৱাত।
দেখা পাই ৰমনীৰ — উজ্জ-বাসিনীৰ—
চঞ্চল কটাক্ষ দৃষ্টি—চকিত ভাবৰ,
বিদ্যুল্লতা বিস্ফুৰণ হেতু,-নকৰিলে
অমোদানুভব, জনম বিফল তব।২৮।
সুভগগতিত যিবা হইছে স্খলিত,
১০
