এই পৃষ্ঠাটোৰ বৈধকৰণ হৈছে
--মুৰলী--
মিচিকিয়া হাঁহি আনা মুখত তোমাৰ
যি অমিয়া হাঁহি শোভে অনঙ্গ মুখত
স্মৰপ্ৰিয়া ৰতি যদি আহে কাষলই
গোলাপ গালত সানি আনন্দ জেউতি।
আনা আৰু আনা দেবি তোমাৰ লগত
আনন্দ কৌতুক মিশ্ৰ ক্ৰীড়া নানাবিধ
আনা চিত্তচিন্তাহাৰী আনন্দ লহৰী
হাঁহিৰ নিজৰা ব’ক শুকান প্ৰাণত।
আহা উলাহত নাচি কোমল পদে
খঞ্জন গমন ধৰি অতি লয়লাসে।
আগফালে আনা দেবি, পাৰ্ব্বত্য অপ্সৰী
স্বাধীনতা—জীৱন তোষিণী, আৰু দেবি
যথাযোগ্য কৰোঁ যদি সন্মান তোমাক
কৰি লোৱাঁ অনুগ্ৰহি তযু অনুচৰ;
কৰোঁ বাস আনন্দত স্বাধীনতা লই
তোমাৰ সঙ্গত বলে অমিয়া সুখত
মগ্ন ৰ’ক মন মোৰ চিৰদিন ধৰি।
৪৬
