এই পৃষ্ঠাটোৰ বৈধকৰণ হৈছে
—মূৰলী—
ক’তনো আহিলা এৰি,
নেপাই বনত ঘূৰি,
বিচাৰিছা আহি তুমি মানৱৰ ঠাই;
তুমি হে বিৰহী পখি,
ক’তনো এৰিলা সখি,
ক’তনো তোমাৰ সখি আছেনো লুকাই?
তোমাৰ শুৱলা মাত,
শুনি পৰে হিয়া শাঁত,
নিতউ আহিবা তুমি ইদৰে মাতিব;
তোমাকেই চাই মই,
সখিৰ স্থানীয় হই,
সাজু হই ৰম সদা সমিধান দিব।
নুফুৰিবা তুমি পখি,
বিচাৰি তোমাৰ সখি,
নহবা কাতৰ তুমি বিৰহীৰ দৰে;
তোমাৰ দেখিলে দুখ,
নেথাকে মনত সুখ,
পৰাণ কাতৰ হয় বিননীয়া সুৰে।
১০
