এই পৃষ্ঠাটোৰ বৈধকৰণ হৈছে
--মুৰলী--
আছেনে জীৱন বাৰু মৃত্যুৰ পিছত,
জানোনে কাৰণ তাৰ কিবা যথাৱত?
আছে নাই দুই উত্তৰ মৰতত কয়,
সি পুৰীৰ পৰা হলে কোনোৱে নকয়?
যদি নাই তেন্তে ভাল নাই আহুকাল,
প্ৰবৃত্তি সোঁতত জীৱন যাওক যতকাল;
নকৰোঁ নাসাচোঁ পুণ্য সিটো জনমলৈ,
অযথাতে কিয় কথা ভাবোঁ নিলগলৈ।
যদি আছে ৰাজ্য এক পুণ্যৰ লেখৰ,
ঘটে জানো দুৰ্গতি মানৱ ভাগ্যৰ;
নকৰোঁ নাসাচোঁ কিয় কৰম পুণ্যৰ,
জীৱনে মৰণে হব সাৰথি লগৰ।
অন্ত৷
১০২
