এই পৃষ্ঠাটোৰ বৈধকৰণ হৈছে
--মুৰলী--
সংসাৰৰ জুয়ে পুৰি জুৰুলা জুপুৰা কৰি
মাৰে দিনে দিনে হায় সংসাৰী জীৱক;
প্ৰতিপলে ভাৱ হয় কিয় মোৰ জীৱৰয়
দিনেৰাতি গালি পাৰে “অধৰ্ম্মী যমক”।
তেতিয়াও হৃদয়ত আশাৰ বেণুটী বাজে
যদি দেখে সংসাৰৰ সুখৰ চমক;
একোতে নেযায় এৰা আশাৰ মেঠনি মৰা
সুখে দুখে সদা ভৰা এই সংসাৰক।
কি বুজিবা নৰ তুমি আশাৰ ই লীলাভূমি
আশাতেই বন্ধগই পৰিছা মোহত;
ক্ষণিক শান্তিৰ বাবে আছা সদা নানাভাৱে
নেজানা ভাহিছা কত সংসাৰ সোঁতত।
১০১
