এই পৃষ্ঠাটোৰ বৈধকৰণ হৈছে
আহিল বহাগী বিহু, ফুলিল টগৰ
ৰমক-জমক কৰি, ডাল ভৰি ভৰি,
বিহুৱতী গাভৰুৰে সমাদৰ কৰি
ল’লে চিঙ্গি থোপাথোপে সন্তোষ অন্তৰ॥
বগা বগা ফুল খিনি, ৰূপতো শুৱনী,
অতিচাৰ গোন্ধ কিন্তু মুৰ কামোৰায়!
সি কাৰণে সকলোৰে আদৰ না পাই
নুফুলে সদাই, হায়! টগৰ-ফুলনী!!
অতি চাৰ গোন্ধ ল'লে লাহৰী দেহত,
সকলোৰে তেনে কিন্তু নাপালে আদৰ;
আতউ-পুতউ আৰু চিন চেনেহৰ;
অতি চিৰী নোহে ভাল জানে জগতত॥
কিবা লাভ টগৰৰ তেনে গোন্ধ লই?
সকলোৰে বেছি বেয়া, সকলোৱে কয়॥
